ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

សម្ដេចតេជោ បង្ហាញភាពសោកសៅដែលបាត់បង់បងប្រុសទី២ ខណៈបងប្រុសទី១ ទើបចេញពីវះកាត់នៅប្រទេសថៃ

  • ចុះផ្សាយថ្ងៃទី០៨ ខែឧសភា ឆ្នាំ២០២២ ម៉ោង ២០:៣១ នាទី ដោយ Chanoutdam
  • 2051
  Aa |   aA

កំពង់ចាម៖ នាយករដ្ឋមន្រ្តីកម្ពុជា សម្តេចតេជោ ហ៊ុន សែន បង្ហាញភាពសោកសៅដែលបាត់បង់បងប្រុសទី២ ខណៈបងប្រុសទី១ ទើបចេញពីវះកាត់នៅប្រទេសថៃ សុខភាពនៅខ្សោយនៅឡើយ។ សម្ដេចតេជោ បានផ្ដាំដល់កូនចៅមិនឲ្យប្រាប់បងប្រុសទី១ អំពីមរណភាពរបស់សម្ដេច ហ៊ុន ណេង នោះទេ។

សម្ដេចតេជោបានសរសេរនៅលើ facebook page របស់សម្ដេចនៅល្ងាចថ្ងៃទី៨ ខែឧសភា ឆ្នាំ ២០២២នេះ ដោយបានលើកឡើងពីរឿងសោកសៅចំនួនពីរ គឺការបាត់បង់បងប្រុសទី២ ខណៈបងប្រុសទី១ កំពុងសំរាកព្យាបាលវះកាត់នៅប្រទេសថៃ។

សម្ដេចតេជោបានសរសេរថា៖ «បងប្អូនប្រុសស្រីទាំង៦នាក់របស់យើងនោះគឺអវត្តមានបងប្រុសទី១ ក្នុងពិធីបញ្ចុះសពបងប្រុសទី២។ បងប្រុសទី១ មិនត្រឺមតែមិនបានចូលរួមក្នុងពិធីបញ្ចុះសពបងទី២ ប៉ុណ្ណោះទេតែមកដល់ពេលនេះគាត់មិនទាន់ដឹងថាប្អូនប្រុសរបស់គាត់បាត់បង់ជិវិតទៀតផង។ ខ្ញុំបានហាមកូនៗរបស់គាត់មិនឱយនិយាយប្រាប់គាត់ពីមរណភាពប្អូនរបស់គាត់ដោយបងទីមួយទើបចេញពីបន្ទប់វះកាត់នៅក្រុងបាងកកប្រទេសថៃសុខភាពគាត់នៅខ្សោយ»។

សម្ដេចថាសម្ដេច មិនដឹងថានឹងមានអ្វីកើតឡើងក្រោយពេលបងប្រុសទី១ ទទួលដំណឹងថាសម្ដេច ហ៊ុន ណេង បាត់បងជីវិតដោយគ្មានអ្នកណាផ្តល់ដំណឹងឱយគាត់? ដែល «នេះហើយជារឿងសោកសៅនាប៉ុន្មានថ្ងៃខាងមុខ»។

សពរបស់សម្ដេចឧត្តមទេពញាណ ហ៊ុន ណេង នឹងត្រូវបញ្ចុះនៅថ្ងៃទី៩ ខែឧសភា ឆ្នាំ២០២២ ស្អែកនេះ ដោយសម្ដេចបានបង្ហាញនូវក្ដីអាឡោះអាល័យយ៉ាងដូច្នេះថា៖ «ព្រឹកថ្ងៃស្អែក៩ ឧសភា ២០២២ ដល់ពេលកំណត់ដែលបងប្រុសទី២ និងត្រូវបានបញ្ចុះទៅក្នុងព្រះធរណីដែលជាកន្លែងសម្រាកចុងក្រោយរបស់គាត់។ បងប្អូនយើងបែកគ្នាដោយមិនបានលាគ្នា និងនិយាយជាមួយគ្នាសូម្បីមួយម៉ាត់ ទោះបីជាខ្ញុំបានមកទាន់ដណ្ហើមចុងក្រោយរបស់គាត់ស្រែកហៅគាត់យកដៃទាញអង្រួនជើងរបស់គាត់តែមិនមានលទ្ធផលក្រៅតែពីសម្រក់ទឹកភ្នែកទាំងអស់សង្ឃឹម»។

សម្ដេចឧត្តមទេពញាណ ហ៊ុន ណេង បានទទួលមរណភាពក្នុងជន្មាយុ ៧២ឆ្នាំ កាលពីល្ងាចម៉ោងប្រមាណ ៦និង២៥នាទី ថ្ងៃទី៥ ខែឧសភា ឆ្នាំ២០២២នេះ ដោយសារគាំងបេះដូង។ បច្ចុប្បន្នសពរបស់សម្ដេច ហ៊ុន ណេង ត្រូវបានក្រុមគ្រួសារដាក់តម្កល់នៅគេហដ្ឋានក្នុងខេត្តកំពង់ចាម មុននឹងដង្ហែរទៅបញ្ចុះនៅវត្តសុវណ្ណគិរីរតនៈភ្នំប្រុស ភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាមនៅថ្ងៃទី៩ ខែឧសភា ខាងមុខ៕ 

ព័ត៌មានជាច្រើនទៀតសម្រាប់អ្នក